جريدة تيار خلفى

كلمة بكرهك اللى قولتهالى من شوية وأنت غيران كانت أحلى من كلمة بحبك اللى قولتها دلوقت لم صالحتك ،صورتى معاك بفلتر السناب شات أحلى من فوتو سيشن خدته يوم عيد ميلادي  صوتك وأنت بردان وكل دقيقتين بتعطس أحل من صوتك وأنت كويس ،وصوتك العالى وعصبيتك حلوين،أنا حبيت كل الوحش بتاعك أنا حبيت اللى محدش قدر يحبه فيك  أنا لم عرفتك أقتنعت أنى مكنتش محتاجه المميزات اللى فى اللى حواليا،أنا كنت محتاجه أحب عيوب محتاجه أتسحل معاك  والاحلى من كدا هى العادات اللى بناخدها من بعض ،مين كان يقول أنك هتشرب البن سادة زى مع أنك مكنتش بطيقه   ومين كان يقول أنك تبطل سجاير عشانى  ومين كان يقول أنى أحب اللون الأصفر زيك بعد ماكنت بكرها الحب اللى بنا غنى وحقيقى وكنز وعيوبك اللى كل مره بتداريها عنى أنا عمرى ماهبطل أدور عليها وأطلعها عشان أحبها،الحب أنى أكون عينك وأنت تكون نور عينى  وأحب اللى ميحبهوش فيك وأتكلم عنه وأظهره قدام الخلق ومداريهوش ،لأنك جميل غصبا عن كل الدنيا ومميز ومفيش من بعدك حلوين  _ليلى عاطف🖤